Inspektorati Policor i Kosovës (IPK) respektivisht hetuesit e Departamentit të Hetimeve të IPK-së kanë arrestuar një zyrtar policor me dyshimin se i njëjtit ka kryer veprën penale “dhunë në familje”.
Sipas IPK-së, zyrtari policor dyshohet se ka ushtruar dhunë ndaj bashkëshortes së tij, e cila si pasoj e dhunës është detyruar të marrë tretman mjekësor, raporton arbresh.info.
“IPK ka pranuar sot informacione nga Policia e Kosovës lidhur me dyshimin së një zyrtar policor në Pejë ka kryer veprën penale dhunë në familje e paraparë me nenin 248 të Kodit Penal të Republikës së Kosovës. Menjëherë pas pranimit të informacionit hetuesit e IPK-së i janë përgjigjur thirrjes duke intervistuar të dyshuarin (zyrtarin policor) si dhe viktimën e këtij rasti – bashkëshorten e tij të cilës i është ofruar edhe ndihma mjekësore”, thuhet në njoftimin e IPK-së.
Pas këtij rasti, IPK ka marrë vendim që të suspendojë zyrtarin policor.
“Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë. Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar”, bënë të ditur IPK-së.
Hetuesit e IPK-së në koordinim të plotë me Prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast./arbresh.info/
Shqipëria ia ekstradon Italisë një shtetas, i dënuar me mbi ...
Von der Leyen pas takimit me Kurtin: Të punojmë për të ardhm...
Kryetari i Ferizajt dënon sulmin ndaj Muhaxhirit, kërkon nga...
Avokati i Muhaxherit: Kryetari beson se sulmi lidhet me punë...
Aksidentet fatale/ A janë pasojë e mungesës së ndriçimit të ...
Dy ushtarë iranianë u vranë gjatë sulmeve izraelite